Euskal Herriko eta nazioarteko rap musika izango da entzugai Xolomo Gangsta saioan.
Zinea
Ostiralero egin ohi dugun bezala, Hitzen Lihoan asteburu honetako zine karteldegiei errepasoa eman die Aitor Abaroak: Lobos de Arga, The dictador eta Elefante blanco dira gaurko proposamenak.
Ehunmilak ultrataila
Ehunmilak eta G2H mendiko probak egingo dira asteburu honetan; lasterketa luzean parte hartuko dutenak gaur arratsaldeko 18.00etan irtengo dira Beasaingo Loinazko San Martin plazatik eta G2Hak egingo dutenek gaueko hamaiketan izango dute irteera. Antolakuntzako kideak gurean izan dira azken xehetasunen berri emateko.
Arrain zopa Donostiar erara
Ostiralero moduan, errezeta goxoa prestatzera etorri zaigu Aitor Zabaleta gure txef partikularra, `arrain zopa donostiar erara´jarri digu gaur.
UEU uda ikastaroak
UEUren uda ikastaroek Eibarren azken eguna dute gaur eta goiz honetako berriak jaso ditugu, egunero moduan, Markeskoa jauregitik zuzen-zuzenean.
EGLANTINS-REALA
Hendaiako Eglantins futbol taldearen mendeurrena ospatzen da aurten eta zenbaki potolo hori aitzakia hartuta lagunarteko partida oso berezia antolatu dute gaur arratsalderako Bixente Lizarazu zelaian, Realaren aurka neurtuko ditu indarrak talde hendaiarrak. Bertako jokalari batekin hitz egin dugu Hitzen Lihoan, Amets Arzallus bertsolaria izan da gurean.
Donostiako Piratak
Donostiako Piratek 10 urte kantuaren aurkezpena egin dute gaur, urteurren berezi honen karietara musika aste zoragarria antolatu dute Aste Nagusirako, aurkezpen horren berri gure mikrofonoetan eman dute goiz honetan.
Kabalkadak
Irisarriko herriak azken kabalkada duela 75 urte egin zuen, aurten herriak berriz tradizioa eskuratzea erabaki du eta pasa den asteburuan lehen saioa eskaini zuten irisartarrek eta datorren asteburuan bigarrena eskainiko dute. Jean Michel Noblia kabalkada prestaketa lanetan buru belarri dabilen antolatzaileetako bat izan da gaur Hitzen Lihoan. Berreskurapen horrek zer nolako sentsazioak utzi dizkien kontatzeko eta astebururako bigarren saioa nola prestatzen ari diren ezagutzera emateko.
Zeharkaldiak
Gorka Azkaraterekin asteburu honetan Beasain aldean antolatu duten `Ehunmilak´mendi lasterketa hizketagai hartu dugu ostegun honetako Hitzen Lihoan.
Ueu uda ikastaroak
Eibarko Markeskoa jauregian gaur izango diren ikastaroen berri zuzen-zuzenean jaso dugu ostegun honetan ere Hitzen Lihoan, Idoia Torregarai UEUko komunikazioa arduradunaren eskutik.