Nora aldizkariko Hektor Ortegak Araban kokatua dagoen Zambrana herria aurkeztu digu.

LABeko Zaloa Ibeasek, Sarquavita, adineko pertsonen zaintzako enpresan, sindikatuak pairatzen duen jazarpen sindikala eta delegatuen kaleratzeak salatu ditu.

Lesakako Arrano elkarteak 25 urte egin ditu eta auzolanean txondorra egin dute. Giro ederra sortu da txondorraren bueltan, zahar zein gazte guztiek hartu dute parte ekimenean. Lesakako Txoltxanek eman digu honen berri, txondorra nola egiten den kontatu digu, prozesua zein izan den, eta aurreratu digu kalitatezko ikatza ekoiztu dutela, dagoeneko salgai jarri dutena etiketa bereziarekin.

Lasarte-Orian euskal preso politikoen aldeko hainbat ekimen eginen diren egin hauetan. Abenduaren 23an FLASH MOBa antoaltu dute, hitzordua jarrita dago, eguerdiko 12etan hasiko dira beroketak Okendo plazan. Urtarrilaren 4an aldiz, hirugarren urtez jarraian, “harresi guztien gainetik, sarraila guztien azpitik jasotako hitzak” ekitaldia egingo da. Preso dauden herritarrek idatzitako gutunek tartea izango dute errezitaldian. Itziar Arteagak eman digu honen berri.

Rafa Cabezaren Bailara Ezkutuan, Thin Lizzyren Black Rose disko klasikoa berreskuratu da. Baita ere Jare Bilbotarren disko berria, Iaze, entzun ere…

Patxi Gaztelumendik Infozazpi irratiak zazpi urte beteko dituen heinean, zazpi urtez teknologi berri eta sare sozialen inguruan emandako informazioaren bilduma egin du.

Gabirel Ezkurdia nazioarteko adituak AEB izandako azken tiroketaren ondoko gogeta luzatu du.

Kontseiluako Ione Josiek bake konponbidean eukalgintzak ere baduela egitekorik azpimarratu du.

Bizkaiko Bertso Txapela etxean du Arkaitz Estiballesek. Hura jantzi eta 4 egun beranduago gurean izan dugu. Txapleketa hunkigarria izan zela nabarmendu du eta bertsolari guztiek maila oso ona erakutsi zutela.

Ate joka dugu Hatortxu Rock! Euskal Preso politikoekin elkartasunez egiten den fetibala, gabonetako hitzordu bihurtu da dagoeneko. Antolatzaileekin hitz egin dugu gaur eta programazioaren berri eman digute, baita sarrera batzuk oparitu ere. 10 ditugu, jarri gurekin harremanetan eta zureak izango dira!