Lauroba taldeak 14 urteko ibilbideari amaiera ematea erabaki du. Bihar emango du azken kontzertua Donostiako Dokan. Azken urtetan musika ‘modu duin batean’ plazaratzen jarraitzea zaila egin zaiela aitortu digu Iker Laurobak. Lau disko luzeren ondoren utziko dute taldea, ‘nostalgia puntuarekin eta ingurukoek emandako maitasunarekin’ ordea.
Kepa Errasti (aktorea): “Ohorea da ‘Mami Lebrun’ antzezlanarekin Donostia Antzerki Saria jasotzea”
‘Mami Lebrun’ antzezlanak irabazi du Donostia Antzerki Saria. Martxoaren 27an, Antzerkiaren Nazioarteko egunean, Donostiako Viktoria Eugenian taularatuko dute. Sariarekin oso pozik mintzatu zaigu Kepa Errasti gidoilari eta aktorea. Xake Produkzioaren lehen lana izan da ‘Mami Lebrun’ eta horrelako sari berezi bat jasotzea ohorea dela esan digu Errastik.
‘Giza eskubideak trasnazionalen etekinek gainetik daude’
Ongi Etorri Errefuxiatuak plataformako Marta Abiegak errefuxiatuen egoerari ezikusiarena egiten aritzea leporatu die nazioarteko erakundeei. Herrialde txiroetako gatazken sorburu izan eta ondoren handik ihesean doazenei harresiak eraikitzea deitoratu du Abiegak. Interes ekonomiko eta politikoz blaitutako egoera konplexuaren aurrean, bertako herritar eta erakundeei esku-hartzeko eskatu die.
Smart Drinks, Gazte Energetikoak
Jarabe zaporea duten arren, urtero jarraitzaile sutsu gehiago dituzte. Nerabe eta gazteen % 68k egunero edaten ditu. Baina zer dira edari energetikoak? Freskagarri bizigarriak! Ura, karbohidratoak, kafeina, aminoazidoak, bitaminak eta, zenbaitetan, sendabelarren estraktuak dituzte. Horrela esanda, superfood dirudite. Baina, inondik ere ez.
“Alfredori dispertsio politika ezarri diote dispertsioa salatzeagatik”
Arkaitz Quincoces “ErreHarria LIBRE” elkartasun plataformako kidea elkarrizketatu dugu gaur, Gakoa saioan, Alfredo Remirezen inguruko berriak biltzeko asmoz.
Jendarteko ‘Tenpluak Erre’tzera dator LIHER
Liher talde donostiarraren ‘Tenpluak erre’ diskoak argia ikusi berri du. Urtebetez egon dira disko berria prestatzen eta gogotsu daude kontzertuetarako, Lide Hernandok eta Iñigo Etxarrik aitortu dutenez. Taldea bera gorpuztuta eta indartuta, aurreko lanarekin eman zituzten 100dik gora kontzertu emateko prest dira taldekideak.
London International Ska Festival Reggae Fever irratsaioan
London International Ska Festival jaialdi famatuak 30 urte betetzen ditu aurten eta ospatzeko 4 egunetako egundoko jaialdia montatu dute. 16 ekitaldi 4 egunetan. Besteak beste, The Clarendonians, Ken Boothe, Derrick Morgan, Fredie Notes… Informazio guztia Reggae Fever irratsaioan!
Bizitza zein kontsumo eredu berriak jorratzeko Aiaraldeko Azoka Soziala
Asteburuan Laudion Aiaraldeko Azoka Sozialaren lehen edizioa egingo dute, ‘Kontsumitzen duguna gara, bizitzeko alternatibak’ lemapean. Bizitza zein kontsumo alternatibak izango dira hizpide, mota horretako proiektuak garatzeko asmoa baitute eskualdean. Larunbatean tokiko ekoizleen eta proiektu eraldatzaileen azoka egingo dute. Aurkezpen maratoia ere prestatu dute, bizitzako hainbat esparrutan eragiten duten egitasmoak ezagutzera emateko: moneta sozialak, etxebizitza komunitarioak, energia berriztagarriak, eskola jantokiak, banku eta kreditu entitate etikoak esaterako.
Mirarik txakur bati azpiazuna zerbitzatu zionekoa
Txinatarrek urte berriaren ospakizunei ekin diote. Txakurraren urtean murgildu dira. Horoskopoan badakizu zein animalia zaren? Bada, entzun Mirari Martiarenari. Egun, txakurrei ez zaie Pintto izena jartzen, ‘trasmisioan’ galdu dela dio txakurlogian adituak. Kritikatu ditu pertsonak baino hobe txakurrak tratatzen dituztenak. Pentsa, zerbitzari lanetan behin idi azpiazuna eman zion txakur bati jabeek hala eskatuta!
Death metalaren joera melodikoa landu du Burdinola irratsaioak
Death metalaren joera melodikoa landu du Burdinola irratsaioak. Suediako Tribulation taldearen “Down Below” diskoa izan dute protagonista, nazioarteko nobedadeen artean. In Vain, Kalmah, Bloodshot Dawn eta Moonloop banden berriena ere eskaini dugu. Herriko Burdina atalean, berriz, Arabako Amankomun taldearen “Hombre Animal” diskoa nabarmendu dugu, Recreate eta After Life banden doinuekin batera. Bat egin heavy metalarekin!