Pilotako Euskal Selekzioa iritsi berri da Kolonbiatik. Ez dira esku hutsik etorri, Patri Espinar eta Amaia Araiztegi munduko txapeldun baitira binakako One Wall modalitatean. Horretaz gain, Patri Espinarrek banakako finala ere irabazi zuen. Espinarrek banakako finalean Herbeheretako pilotaria gailendu eta horren segidan Araiztegirekin jokatu zuen binakako finalean Mexikoko selekzioari irabazi zioten. Fisikoki “oso gogorra” izan dela aitortu digu Espinarrek, eta baita gurean jokatzen ez den One Wall modalitatera egokitzea. Baina “oso pozik” dago, lortu duen garaipenik handiena izan dela aitortu digu. Euskal Herria ordezkatzea “ohorea” izan da Espinarren aburuz.
