Martxoaren 21ean, udaberria iristearekin batera ospatzen dute kurduek Newroz eguna, Herri kurduaren egun nazionala. Aurtengoa ordea, ospakizun berezia izango da ipar Kurdistanen, apirilean sistema presidentzialista ezartzeko erreferenduma izango baita Turkian eta horrek, Recep Tayyip Erdogan presidenteari izugarrizko boterea emango lioke. Horregatik, “Erdogani Ez! Erreferendumari Ez!” izango da aurtengo Newroz egunean kurduen lelo nagusia.
