Atzo elkartu ziren Donostian eta bilkura horren balorazioa egin dugu gaur LAB sindikatuko ordezkari Aitzol Cajaravillerekin. Bere hitzetan zuzendaritzaren jarrera “lotsagarria” izan zen atzoko bileran. Besteak beste, bideragarritasun plana aurkez dezala exijitzen diote langileek Arcelor Mittali, baina oraingoz zuzendaritzak ez die inolako planik aurkeztu. Osteguneko bilkuraren ostean hasiko da lekualdatzeen kontsulta epea eta, printzipioz, langileek protestak mantenduko dituzte.
