Datorren igandean “Emakumeen kontrako biolentziaren aurkako nazioarteko eguna” izango da eta Euskal Herrian mobilizazio ugari izango dira mugimendu feministak deituta. Egun bat lehenago berriz, larunbatean, Ezkerraldeko eta Meatzaldeko emakumeen 13. ibilaldia izango da Barakaldo eta Sestao artean. Mobilizazio horren inguruan hitz egiteko, Anatxo Riesco gonbidatu dugu gaurkoan gurera. Bera Andere Bidatz Portugaleteko talde feministako kidea da.