Larunbatean egin zuen Sarek III. Batzar Orokorra. Gatazkaren irtenbide demokratikoan, egungo espetxe politika aldatzea «berebizikotzat» jo du Bego Atxa Sareko eledunak. Helburuak betetzeko bidean, gizarte zibilaren ekarpena funtsezkotzat dute. Sarea zabaltzen joan eta lan ildo berriak gehitu dizkiote orain artekoari. Tartean, «Estatuko elkarteekin lankidetza indartu eta emakume presoek bizi dituzten zigor bikoitzak azaleratzea» izango dira lan ildo berriak.
