Hilabete hasieran eman zion Alex Txikonek Everesteko tontorra neguan eta oxigenorik gabe igotzeko espedizioari amaiera. Bidea ekipatu bai, baina tontorrerako saiakeran laugarren kanpalekura ez igotzea erabaki zuten, oso eguraldi txarra medio. Etxera itzuli berritan izan gara berarekin. Orohar balantze positiboa egin du, asko ikasi duelako eta lantaldea oso indartsu eta batuta egon delako. Baina, bigarren aldiz neguan Everest egiteko saiakera bertan behera uztea muturreko galanta izan dela aitortu du, eta zentzu horretan ez dago pozik.
