Kimuak egitasmoaren 20. edizioan hautatu dituzten 7 film laburren artean aurkitzen da Euritan, Irati Gorostidi eta Arantza Santestebanek zuzenduriko lana. Egitasmo honen helburua Euskal Herrian sorturiko film laburrak hemen bertan eta baita nazioartean ere hedatzea da. Urtero bezala lan mordoa aurkeztu dituzte, zehazki, 51. Epaimahaiak 7 hautatu ditu eta Donostiako zinemaldian aurkeztuko dituzte ofizialki. Euritan filmaz aritu gara gu Gorostidirekin.
