Erritmo alai eta dantzagarriak letra politikoekin, hori du bereizgarri Itziarren Semeak taldeak. Altsasuko gertakariek edota Iñigo Cabacasek kantu bana dute “EH Republik” disko berrian baina Mirentxu Patxaran 2.0 bezalako kantu alaiek ere badute lekua. Hamar urte bete ditu taldeak eta hasierako ilusio eta grinarekin jarraitzen dutela ziurtatu digute Manex eta Ibon Altunak.
