Europar Batasunetik ateratzea erabaki du Erresuma Batuak erreferendumean. Boto emaileen %51,9k ateratzearen alde egin du eta EBn geratzearen alde %48,1ek . Oro har, Brexit-aren aldekoek 1,2 milioi boto gehiago atera dituzte. Bestalde, partehartzea oso altua izan da, %72,2koa, hain zuzen. Eskozia eta Ipar Irlandako herritarrek berriz, EBn geratzearen alde egin dute eta SNP alderdiak iragarri du jada Eskoziaren independentziaren aldeko beste erreferendum bat deituko dutela.
