Ehunka gizon eta emakumeren amets eta sentimenduak bildu nahi ditu Donostiako Astero argitaletxeak, zehazki, euskal preso politiko, preso ohi eta iheslari eta iheslari ohienak. Jasotako ekarpen literario eta artistikoekin “Ametsen liburua” kaleratu nahi dute udazken partean. Horretarako, hainbat eskutitz igorri dituzte eta dagoeneko zenbait erantzun ere jaso dituzte. Asteroko langile eta preso ohi Jokin Urainek eman dizkigu xehetasunak.
