Intsumisioa mugimenduak 25. urteurrena bete du gaur. 25 urte igaro dira estatu espainiarreko leku ezberdinetan lehen intsumituak publikoki agertu zirenetik, armadari ezezko borobila emanez. Mugimendu zabal eta oparoa sortu zen ostean, derrigorrezko soldaduska desagertu arte. Edurne Elizondo kazetariak mugimendu haren xehetasunak bildu zituen, protagonista ugari elkarrizketatuz, 2011. urtean argitaratu zuen “Ez dugu nahi.Intsumisioaren ahotsak Euskal Herrian” izeneko liburuan.
