Sahara Maratoia otsailaren 24an, datorren astelehenean, egingo da Aljeriako basamortuan aurkitzen diren saharar errefuxiatuen kanpamenduetan, Tinduf hiriaren inguruan. Saharar herriari elkartasuna azaldu eta bizi duten okupazioa eta errepresioa salatzea du helburu ekimenak. Mundu osoko 200 korrikalari inguruk hartuko dute parte, tartean, 16 euskal herritarrek. Horietako batekin, Agustin Agote tolosarrarekin hitz egin dugu.
