Eider Olazar eta Oihana Etxebarrieta kazetari eta militante feministek irabazi dute aurtengo BERRIA beka “Emakumeok kazetarion agendan: euskal emakume adituen biltoki digitala” proiektuarekin. Albisteetan eta oro har, hedabideetan emakume protagonisten falta igarri dutenez, euskal emakume adituen eta arituen agenda digitala sortu nahi dute. Horretaz guztiaz hitz egin dugu gaur, proiektuaren bultzatzaileetako batekin, Oihana Etxebarrietarekin.
