Maria Servini de Cubria epaile argentinarra, frankismoko krimenen aurka abian duen auziaren baitan, biktima ugariri deklarazioa hartzen ari da egunotan. Argentinan da Jon Arrizabalaga. Bere anaia Andoni Arrizabalaga 2 aldiz torturatu zuten, tartean, gaur Entzutegi Nazionalean deklaratu behar izan duen Jesus Munecas guardia zibil ohiak. Telesforo Monzonek idatzitako Itziarren semea abestiak Andonik jasandako torturak ditu oinarrian. Jonekin hitz egin dugu guk, frankismoko krimenen aurka lanean jarraitu behar dela esan digu.
