IKEA multinazionalak saltoki berria eraikiko du Baionan. Bihar egingo dute lehen harria jartzeko ekimen sinbolikoa. Bezperan, Bizi mugimenduak eta Mouguerreko Cadre de vie elkarteak ekimen sinbolikoa burutu dute Lapurdiko hiriburuan. Hilerri bat ezarri dute Baionako karriketan IKEAk denda txikien heriotza ekarriko duela salatzeko. Bizi mugimenduko Xabier Harluxet en esanetan, IKEA bezalako proiektuak ez dira onuragarriak ez herritarrentzat, ez langileentzat ezta ingurugiroarentzat ere.
