Epaileak lau ertzain inputatu izana berri ona den arren, erantzule gehiago daudela uste du Cabakas sendiak. Polizia operazioa komisaldegitik agindua eman zuen Ugarteko inputatzea eskatzeaz gain, egun hartan eskopetak eskuan zituzten gainerako ertzainak inputatzeko eskatu dio abokatuak epaileari. Autoan ere atzera bota dituzte politikoek izan ditzaketen erantzule penalak argitzeko ikerketak. Orain beste froga batzuk eskatu dituzte hori argitzeko. Agerraldian senideek bakarrik daudela salatu dute, erakundeentzat bigarren mailako biktima balira bezala.
