Igandekoa “egun borobila” izan zen Tuterako Argia ikastolarentzat. Jendetza hurbildu zen Erriberako hiriburura Nafarroako ikastolen aldeko festara. Oraindik goizegi da helburu ekonomikoak bete ote diren jakiteko, baina Argia ikastolako Anika Lujanek kontatu digunez “Tuterako ikastolaren errealitatea Erriberako biztanleengana hurbildu” nahi zuten eta lortu dute. Orain, leukoa Zangotzako ikastolari pasa diote tuterarrek, bertan ospatuko delako datorren urteko Nafarroa Oinez.
