” Berdintasuna euskaraz zabaldu” egitasmoaren baitan hainbat mintegi egin ditugu Groseko Kortxoenea gaztetxean eta Añorgako gazte lokalean Gukmedia Elkartearen eskutik eta Martitz emakume taldearen eta hainbat gazte talderen laguntzaz. Horietako batean, euskal izen propioak sexuaren arabera bereizteko Euskaltzaindiak hartutako erabakiaren inguruan mintzatu ginen. Gehiengoa ez zen erabaki honen aldekoa eta galdera hauxe nagusitu zen: Beharrezkoa al da euskal izenak sexuaren arabera bereiztea?
